أخبار

أبطال مصريين هزوا العالم

نماذج مصر المشرفة فى عالم الرياضة كثيرة جدا، وبنعتذر لو مقدرناش كل القائمة لضخامتها لكن قدرنا نجمع مجموعة مشرفة قدرت تغير شكل العاب مختلفة وصارت محط أنظار العالم فى البطولات والتألق!

محمد صلاح
أسطورة شقلبت معايير كرة القدم فى العالم كله. محمد صلاح من مواليد 1992 وبدأ مسيرته من 2010 فى نادى المقاولون العرب. بعدها بدأ احترافه فى سويسرا ومنها طلع على إيطاليا ولعب فى نادى (تشيلسى)، وبعدها بدأ الكل يركز معاه لإحترافه وتألقه. حاليا صلاح بيلعب فى (ليفيربول) الإنجليزى ومش هنتكلم عن جوايزه ولا عن مسيرته لأن ده Mo Salah ومش محتاج تعريف!

نور الشربينى
بطلة العالم فى رياضة (الإسكواش)، من مواليد 1995 وبدأت مسيرتها الاحترافية من سن صغير جدا لما تم تسجيلها أول لاعبة مصرية تفوز فى بطولة إنجلترا المفتوحة تحت سن 13. ده غير إنها أصغر لاعبة محترفة عالميا تدخل قائمة أول عشرة لاعبين على مستوى العالم. وفضلت تتفوق فى رياضة الإسكواش فى عدد عملاق من البطولات وصولاً لأحسن لاعبة فى العالم ما بين 2016 و2017.

بيج رامى big ramy
رامى ممدوح السبيعى والمعروف بـ(big Ramy) بطل كمال الأجسام. من مواليد 1985 وكانت بدايته كمدرب فى Gym بالكويت وبدأ من هناك مسيرته الاحترافية عام 2010. استمر بيج رامى فى دخول البطولات العالمية وتحقيق مراكز وإحراز ميداليات فى 2011 و2012. وظل فى الاحتراف وحصد الجوايز لحد ما فاز 2017 بالمركز الثانى فى الأعاب الأوليمبية خلف فيل هيث.

فريدة عثمان
بطلة السباحة (فريدة عثمان) من مواليد 1995. بدأت مسيرتها من سن الـ4 سنوات، واستمرت فى التدريب لسن الـ11 سنة لتحصد عدد كبير من الميداليات الذهبية. حاليا فريدة عثمان بتمارس السباحة فى نادى الجزيرة محققة الرقم القياسى المحلى على مستوى الكبار في مسابقات ال50 والـ100 متر حر وفراشة وظهر، وبطلة أفريقيا وحاملة الرقم القياسى فى الـ50 متر فراشة. فازت لمصر بأول ميدالية فى تاريخها فى بطولات العالم للناشئين فى السباحة.

محمد إيهاب

البطل المصرى محمد إيهاب لاعب رياضة رفع الأثقال. من مواليد 1989. استطاع إنه يحصد العديد من الإنجازات بخلاف برونزية الأولمبياد، حيث حصل على المركز الثانى فى بطولة العالم للرجال فى كازاخستان سنة 2014، والمركز الثانى ببطولة العالم التى أقيمت سنة 2015 فى هيوستن بالولايات المتحدة الأمريكية، وحلمه إنه يحصد ميدالية أوليمبية أخرى فى أولمبياد طوكيو 2020.

الوسوم

مقالات ذات صلة