الرئيسية / مطبخ سى السيد / الحلو / طريقة تحضير الدونتس

طريقة تحضير الدونتس

كتابة وإعداد: شيرين علي سلام

سيدتى.. خليكى مميزة وأضيفى طلة جديدة لبيتك من ابتكارك وقومى بتقديم أحلى الحلويات عشان تفرحى بيها أولادك..وتقدرى بشوية مجهود واهتمام تخلى بيتك مليان بالحيوية والسعادة، واعملى أحلى دونتس بطريقة جميلة وسهلة جدًا، يلا شوفى طريقة تحضير الدونتس  وجربيها بنفسك.
المقادير
* 1 بيضة.
* 2 كوب دقيق.
* ½ كوب زيت.
* ½ كوب سكر.
* 2 ملعقة كبيرة خميرة فورية.
* 1 كوب سكر بودرة للتزيين.
* لبن دافئ حسب الحاجة.
طريقة تحضير الدونتس
1- اخلطى الزيت والسكر والدقيق والبيض والخميرة مع بعض فى طبق كبير، وقلّبيهم مع بعض لمدة دقيقة باستخدام ملعقة خشب كبيرة، بعد كده ابتدى ضيفى اللبن بالتدريج، واعجنيها بإيدك لحد ما تبقى عجينة متماسكة.

2- اتركى العجينة لمدة نصف ساعة عشان تختمر، وبعد كده اعجنيها مرة ثانية قبل ما تبدئى فى تشكليها، وبعد كده شكّليها على شكل دوائر كبيرة باستخدام كوب أو غطاء برطمان، وفرغى الدوائر ديه من المنتصف باستخدام غطاء زجاجة.

3- اتركى العجينة تختمر لمدة نصف ساعة كمان بعد التقطيع، وبعد كده اقليها فى زيت غزير على درجة حرارة متوسطة، لغاية ما لونها يبقى ذهبى، وبعد كده طلّعيها، ورشّى عليها سكر البودرة للتزيين، وممكن تستبدلى سكر التزيين بصوص الشيكولاتة أو بالمربى.
وبالهنا والشفا…

عن Shereen Ali

شاهد أيضاً

تحضير سلطة البرغل

المقادير: 3 معلقة كبيرة زيت زيتون. 3 معلقة كبيرة زيت ذرة. 3 معلقة كبيرة عصير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *