الرئيسية / مطبخ سى السيد / الحلو / طريقة تحضير الكعك

طريقة تحضير الكعك

كتابة وإعداد: شيرين علي سلام

خلى البهجة والفرحة تدخل بيتك حتى لو بأى نوع جديد من الحلويات أو أكلة جديدة أو تغيير فى ديكور البيت، وأكيد حتحسى بالفرق وأولادك حيفرحوا جدًا.
وطريقتنا سهلة جدًا،وبسيطه وتقدرى تعمليها بسهولة وتقدميها بالأشكال اللى تعجبكِ وإليكي سيدتي طريقة تحضير الكعك.

المقادير
* 1 كوب دقيق.
* 2 ملعقة كبيرة سمن.
* 1 ملعقة صغيرة قرفة.
* 1/2 كوب سكر بودرة.
* 1 بيضة.
* 1 ملعقة صغيرة بيكنج بودر.
* القليل من الحليب.
* ملح.

طريقة تحضير الكعك
* جهزى الفرن على درجة حرارة تتراوح بين متوسطة وحارة.
* حضرى2 قالب مدهون بالسمن.
* وبعد كده أضيفى الدقيق والبيكنج بودر ورشة ملح على السمن، وقلبيهم مع بعض للحصول على قوام كريمى، وبعد كده أضيفى السكر والقرفة.
واستمرى فى الخلط لغاية ماتبقى العجينة على شكل دائرة مفرغة من النص،وأضيفى البيضة فى المنتصف، وتحاط البيضة بالخليط من كل الجوانب، واستمرى بالعجن.
* وبعد كده أضيفى الحليب حسب حاجتك ولما العجينة تجهز غطيها ودخليها الثلاجة عشان تبرد وتقدرى تشكليها بسهولة.
* وبعد كده رشى على العجينة شوية دقيق، عشان تفرديها بسهولة وماتنسيش ترشى النشابة أو الشوبك بالدقيق برده.
* افردى العجينة بسمك أقل من 1/2 سم،واستخدامى أدوات التشكيل،واستعينى برده بسكينة عريضة عشان تشكلى القطع على شكل نجوم ومثلثات.
* ادهنى القطع بالبيض ورشى عليها شوية سمسم، ورصيها فى القالب.
* ودخليها الفرن،هى مش حتحتاج وقت طويل عشان كده، لازم تتابعيها فى الفرن لغاية ماتلاحظى إحمرار الوش والأطراف وبعد كده خرجيها.
* سيبيها شوية عشان تبرد، وبعد كده شيليها من القالب وقدميها.
وبالهنا والشفا…

عن Shereen Ali

شاهد أيضاً

تحضير سلطة البرغل

المقادير: 3 معلقة كبيرة زيت زيتون. 3 معلقة كبيرة زيت ذرة. 3 معلقة كبيرة عصير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *